Ndërpriten punimet për asfaltimin e rrugës në Komoran
Pas ankesave të qytetarëve të Komoranit për mosrespektim të standardeve të punimeve në rrugë, kryetari Lladrovci me bashkëpunëtorë, ka inspektuar vendin ku janë duke u kryer punimet për asfaltimin e rrugës afër postes në Komoran dhe ka konstauar se punimet nuk ishin duke u kryer sipas paramasave të përshkruara në kontratë.
Lidhur me këtë rast, edhe organi mbikqyrës i Drejtorisë së Urbanizmit, pas inspektimeve ne terren ka konstatuar se punimet duhet ndalur përkohësisht deri sa të behët gërmimi dhe mbushja e rrugës. “Lidhur me kontratën “asfaltimi i rrugëve në qytezën e Komoranit”, me numër 611-098-521 e datës 17.11.2016 në mes të Komunës së Drenasit dhe kompanisë Globi Trans&Joos Krasniqi Baze, me datën 23.03.2017 pas inspektimeve në terren është kërkuar nga kompania e kontraktuar që të ndërpriten punimet në segmentin ku kanë filluar të hiqet pjesa e punuar dhe punët të vazhdojnë në bazë të paramases dhe parallogarisë me pjesën e gërmimit dhe mbushjes”, është thënë nga organi mbikqyrës.
