Parashikimi i motit për vikend
Instituti Hidrometeorologjik i Kosovës për ditët e fundjavës ka paraparë mot kryesisht të vranët e me intervale dielli.
Në komunikatën e IHMK-së thuhet:
Gjatë këtyre dy ditëve të vikendit do të mbajë mot i vranët dhe me intervale të shkurta me diell. Vranësirat gjatë ditës së shtune vende-vende do të shoqërohen me reshje shiu, kurse në viset malore reshjet e shiut do të shoqërohen me fjolla bore.
Temperaturat
Temperaturat minimale do të lëvizin nga 0 deri 4 gradë Celsius, kurse temperaturat maksimale nga 7-10 gradë Celsius.
Presioni atmosferik
Gjatë kësaj periudhe presioni atmosferik do të jetë në vlerat e normales me tendencë të ngritjes.
Era
Do të fryjë erë kryesisht nga veriu dhe verilindja me shpejtësi deri 11m/s.
