Gjuajtje me armë në Shtuticë, plumbi godet veturën
Një plumb qorr ka goditur veturën e një banori të fshatit Shtuticë të Drenasit. Burimet e DrenicaOnline brenda policisë kanë treguar se rasti i gjuajtjes me armë zjarri ka ndodhur rreth orës 23:15 të së shtunës.
Njësitet përkatëse të stacionit policor të Drenasit i janë përgjigjur menjëherë thirrjes ku kanë dalë në vendin e ngjarjes dhe janë marrë me rastin.
Për këtë rast është informuar menjëherë edhe prokurori i shtetit i cili ka urdhëruar policinë që të hapë rastin “Shkaktim i rrezikut të përgjithshëm”.
Ankuesi ka informuar policinë se nga një plumb qorr, është goditur parafango e veturës së tij e cila ishte e parkuar.
Në këtë rast nuk ka persona të lënduar ndërsa hetimet ende janë duke vazhduar./DrenicaOnline/
Për më shume lajme nga Drenica, ju lutemi bëjeni LIKE faqen tonë në Facebook: KLIKO KËTU
