Zgjerohet Iniciativa Qytetare e Drenasit
Zyrtarë të Iniciativës Qytetare të Drenasit “Qëndresa” kanë deklaruar për portalin DrenicaOnline se së shpejti do të formohen nëndegët e kësaj iniciative në të gjitha fshatrat e Drenasit.
“Duke parë se qeverisja komunale e Drenasit lë shumë për të dëshiruar, kemi vendosur ta themelojmë Iniciativën qytetare dhe e njëjta dita ditës është duke u zgjeruar në të gjitha fshatrat e Drenasit”, ka deklaruar Murat Bylykbashi, kryetar i Iniciativës në Drenas.
Sipas tij, Iniciativa është derë e hapur për të gjithë ata që nuk janë të kënaqur me qeverisjen e Drenasit.
Iniciativa tashmë ka edhe strukturën drejtuese të saj dhe shumë shpejt do të ketë edhe emra të tjerë në gjirin e saj./DrenicaOnline/
Për më shumë lajme nga Drenasi, ju lutemi bëjeni LIKE faqen tonë në Facebook: KLIKO KËTU
