Veseli vendos të mos i lejojë deputetët të flasin sa të duan
Kryetari i Kuvendit, Kadri Veseli, ka vendosur të respektojë rregulloren e Kuvendit.
Deputetët tash e tutje nuk do ta kenë mundësinë që të flasin sa të duan, por aq sa e përcakton rregullorja e Kuvendit.
Organizatat që e mbikëqyrin punën e legjislativit thonë se kryetari prej ditës kur është zgjedhur në këtë detyrë, do të duhej ta kishte këtë si prioritet.
Driton Selmanaj nga Demokracia Plus thotë se rregullorja e Kuvendit është kushtetutë për deputetët, prandaj duhet të respektohet jo sipas vullnetit, por është obligim.
Artan Murati nga Instituti Demokratik i Kosovës thotë se në Kuvend shpeshherë është shkelur rregullorja, e për këtë nuk ka reaguar askush.
Kuvendi i Kosovës vazhdon të funksionojë me rregullore të miratuar në vitin 2010, ani pse thuhet se secila legjislaturë duhet ta miratojë rregulloren e re.
