Plaçkitet shtëpia e deputetit të Nisma-s!
Në orët e mbrëmjes së sontme është vjedhur shtëpia e deputetit të Kuvendit të Kosovës nga radhët e Nisma për Kosovën Zafir Berisha, nga persona të panjohur.
Rastin e konfirmoi për “Gazeta Blic” vetë deputeti Berisha.
“Hajnat janë futur në shtëpinë time. Kanë vjedh buzhiteri të gruas dhe dy telefona të fëmijëve të mi”, ka thënë ai.
Më tej ai ka shtuar se për rastin është njoftuar edhe Policia e Kosovës, për çka tha se rreth një orë më parë kanë qenë në shtëpinë e tij për t’i nisur procedurat e hetimit të këtij rasti.
Rikujtojmë se muaj më parë është plaçkitur edhe shtëpia e kryeprokurorit të shtetit, Aleksandër Lumezit.
