Lladrovci e Abrashi shpërndajnë 100 pako me veshmbathje për familjet në nevojë (Foto)
Kryetari i Komunës së Drenasit, Ramiz Lladrovci, të mërkurën ka pritur në takim Ministrin e Punës dhe Mirëqenies Sociale, Arban Abrashi, me të cilin ka biseduar për mënyrën e bashkëpunimit nga skemat sociale që ofron kjo ministri, ndërsa ministri Abrashi është zotuar se bashkëpunimi me Komunën e Drenasit do të jetë i pamohueshëm për ndihmat e skemave sociale që ka kjo ministri.
Pas takimit, Lladrovci dhe Abrashi, ne oborrin e Qendrës për Punë Sociale, kanë shpërndarë pako me veshmbathje për familjet që janë në asistencë sociale.
Abrashi dhe Lladrovci, kanë njoftuar se përfituesit e kësaj ndihme janë përcaktuar nga Departamenti i Politikave dhe Familjes në Ministri dhe Qendra për Punës Sociale në Komunën e Drenasit, ku përfitues i këtyre ndihmave janë familjet në kategorinë; prindër vetë ushqyes, familje në varfëri të lartë si dhe familjet me shumë anëtarë./Indeksonline/
