Thaçi: Flamuri kuqezi gjithmonë në zemrat tona si burim i pashterrshëm frymëzimi
Presidenti i vendit Hashim Thaçi ka uruar sot për Festën e 28 nëntorit, duke theksuar se flamuri kuqezi ka qenë gjithmonë në zemrat e të gjithëve, si burim i pashtershëm frymëzimi.
Thaçi poashtu ka cekur lumturinë e tij për flamurin që sot e sheh të valëvitet i lirë dhe në më shumë toka se kurdo herë më parë, shkruan Indeksonline.
Ky është postim i plotë:
Flamuri kuqezi ka qenë gjithmonë në zemrat tona si burim i pashtershëm frymëzimi.
Më bën të lumtur dhe krenar kur sot e shoh që valëvitet i lirë dhe në më shumë toka se kurdo herë më parë.
Sot, krenaria është më e madhe se dhimbja për heronjtë tanë, për dëshmorët e martirët. Për Skënderbeun, për Ismail Qemalin e Isa Boletinin, për Bajram Currin e Themistokli Gërmenjin, për Hasan Prishtinën e Marigo Posio, për Shaban Polluzhën e Adem Jasharin, për UÇK-në dhe çdo ushtar të saj, për ata që dhanë jetën për liri dhe ata që e gëzojnë së bashku me ne këtë liri.
Ata janë frymëzimi ynë për të punuar çdo ditë që të ndërtojmë shtete të fuqishme, që brezat që do të vijnë të jetojnë në liri e barazi, dinjitet e prosperitet. HTH
