Tragjike: Vdes punëtori i ndërtimtarisë, u rrëzua nga një objekt ndërtimi në Drenicë
Një 60-vjeçar që ishte dërguar me urgjencë për në Qendrën Klinike Universitare të Kosovës, pasi ishte rrëzuar derisa po punonte në një objekt ndërtimi në Skenderaj, ka vdekur pak minuta pasi kishte marrë plagët.
Rastin e ka konfirmuar për DrenicaOnline zëdhënësi i Policisë së Kosovës për rajonin e Mitrovicës, Avni Zahiti, i cili ka thënë se 60-vjeçari ka ndërruar jetë rreth orës 16:30 në QKUK.
“Rreth orës 16:00, është raportuar se në rrugën ” Ahmet Delia” në Skenderaj, nga një objekt në ndërtim e sipër është rrëzuar dhe ka pësuar lëndime viktima (punëtor) i moshes rreth 60 vjeçar, i njëjti me urgjencë është dërguar në QKUK. Ndërsa rreth orës 20:30, nga QKUK është njoftuar se i lënduari-viktima R.R., 60 vjeçar, ka vdekur”, tha Zahiti.
Me urdhër të prokurorit trupi i pa jetë i viktimës është dërguar në obduksion.
