Fatmir Limaj e vizition babain e Hashim Thaçit: “Te baca Haxhi dhe djemtë e tij shohim krenari e burrni”
Lideri i Nisma’s Socialdemokrate, Fatmir Limaj, me bashkëpunëtorë ishin në vizitë në familjen e presidentit Hashim Thaçi, ku si gjithmonë baca Haxhi i priti me gëzim e zemrën plotë me dashamirësi e ngrohtësi prindërore.
“Përherë te baca Haxhi e djemtë e tij shohim krenari e burrni. Ky prind luftëtari e di më mirë se kush do, se ajo që po ndodh në Hagë vazhdon të jetë çmim i lirisë që po paguhet me mungesën e sakrificën që po e paguajnë presidenti me bashkëluftëtarët tanë”, ka thënë Limaj, transmeton DrenicaOnline.
Prandaj, prindërit, fëmijët dhe familjet e tyre sipas Limajt janë të fortë, kokëlartë e krenarë për ata që e udhëhoqën Kosovën drejt lirisë dhe pavarësisë.
Krenar me UÇK-në dhe luftën saj të drejt, të pastër e të lavdishme./DrenicaOnline/
