Ndërrohet Komandanti i Policisë në Drenas, shkon Bajrami, vjen Morina

Kryetari i Komunës së Drenasit, Ramiz Lladrovci së bashku me nënkryetarin Arben Shala, drejtoreshën e Drejtorisë për Shërbime Publike dhe Emergjencë, Lumnije Gjoshi – Krapi, pritën në takim ish- komandanten e Stacionit Policor në Drenas, kapitene Feime Bajrami si dhe ushtruesin e ri të detyrës së komandantit të këtij stacioni, Driton Morina.

Kryetari Lladrovci uroi me këtë rast ushtruesin e detyrës së komandantit të Stacionit Policor, Driton Morina për marrjen e detyrës së re, si dhe falënderoi për kontributin e dhënë ish-komandanten znj. Feime Bajrami si komandante e deritanishme e Stacionit Policor në Drenas.