Ambient i pastër, hapësira pa mbeturina, jetë të shëndetshme!
Ndër prioritetet kryesore të punës së përditshme, në planet e qeverisjes aktuale të Komunës së Skenderajt, mbetet pastërtia dhe krijimi i një ambienti pa mbeturina, ku qytetarët do të mund të jetonin e vepronin në një mjedis të pastër, që luan rol thelbësor për një jetesë të shëndetshme.
Pothuajse çdo ditë, përfshirë ditëve të vikendit, punëtorët e Drejtorisë së Shërbimeve Publike dhe ata të ndërmarrjes publike Eko Natyra, janë angazhuar në pastrimin e hapësirave publike, kudo që janë vërejtur mbeturinat.
Edhe në takimet që kryetari i Komunës së Skenderajt, Fadil Nura, ka me zyrtarët e Drejtorisë së Shërbimeve Publike, është kërkuar angazhim i përditshëm, me ritëm të shtuar, për të mirëmbajtur çdo hapësirë publike.
Ky është edhe premtim i kryetarit Nura, sa i përket ambientit në të cilin jetojmë.
Megjithatë, edhe nga qytetarët kërkohet të jenë më të përgjegjshëm, sa i përket mirëmbajtjes së hapësirave publike, duke mos i hedhur mbeturinat vend e pavend.
Komuna e Skenderajt fton qytetarët që hedhja e mbeturinave të bëhet në hapësirat e dedikuara për to, në mënyrë që të parandalohet ndotja e mëtutjeshme e ambientit.
