Policia demanton mediat serbe se i sulmuari në Skenderaj kishte ndërlidhje me referendumin në Serbi
Policia e Kosovës ka reaguar lidhur me disa shkrime që sipas tyre të cilat i referohen deklarimeve të Listës Serbe se është sulmuar një person në fshatin Runik të Skenderajt lidhur me referendumin e mbajtur në Serbi.
“Sulmi nuk ka fare ndërlidhje me çështje ndëretnike apo siç është pretenduar si anti-serbe, por ka të bëjë me veprën e iniciuar “Sulm”, ku sipas viktimës M.K, mashkull kosovar serb, gjatë komunikimit me të dyshuarin mashkull kosovar B.S, kishte ardhur deri te fjalosja ndërmjet tyre si pretekst pasi viktima kishte dyshuar se i dyshuari në fjalë ia kishte dëmtuar (prerë) pyllin e tij në pronë private”, thuhet në njoftim.
