Lladrovci viziton gjimnazin në Drenas
Kryetari i Komunës së Drenasit, Ramiz Lladrovci me stafin e tij, ka vizituar Shkollën e Mesme të Lartë – Gjimnazi “Gjergj Kastrioti-Skënderbeu” në Drenas, me ç’rast është pritur nga Drejtori i Shkollës, Valdet Istogu dhe bashkëpunëtorët e tij.
Drejtori Istogu e njoftoi Kryetarin Lladrovci rreth projekteve të shkollës të përfunduara dhe atyre që janë në proces, korrikulës, buxhetit të shkollës (renovimeve, shpenzimeve të rrymes, ujit etj), bibliotekës (renovimit dhe furnizimit me libra), donacioneve etj.
Gjithashtu u diskutua edhe rreth përgatitjes sa më të mirë të vizitës së Zëvendës Presidentit të Parlamentit Evropian, të delegacionit nga Gjermania, si dhe një delegacioni nga Finlanda.
Kryetari Lladrovci pohoi se qëllimi i vizitës në institucionet shkollore është ngritja e cilësisë në Arsim dhe plotësimi i të gjitha kushteve për nxënës dhe mësimdhënës në Komunën e Drenasit.
