Lladrovci tregon se çfarë po ndodh me fabrikën e Behgjet Pacollit në Drenas
Kryetari i ri i Komunës së Drenasit Ramiz Lladrovci, ka thënë se është duke i realizuar të gjitha premtimet e bëra gjatë fushatës zgjedhore.
Duke folur në një intervistë për mediat vendore, ai ka thënë është duke u finalizuar edhe projekti i Qendrës së re të biznesit.
Ndërsa, i pyetur lidhur me fabrikën e kërpudhave, të cilën pati premtuar që ta ndërtonte në këtë komunë kreu i AKR-së Behgjet Pacolli, Lladrovci ka thënë se deri më tani për këtë fabrikë nuk ka asgjë më shumë se një tabelë.
“Çdo investitor është i mirëseardhur, duke vepruar në pajtim me ligjin. Sigurisht, kjo vlen edhe për Fabrikën e kërpudhave që deri më tani nuk ka asgjë më shumë se një tabelë”, ka thënë ai.
