Sonte në Pressing përballen për herë të parë Gani Geci dhe Sami Lushtaku

Sonte prej orës 20:30 në emisionin Pressing të Televizionit 7, përballen për herë të parë Sami Lushtaku e Gani Geci, dy figura të UÇK’së nga Drenica, që pas luftes iu takonin dy krahëve me rivalitet të madh politik.

Gani Geci LDK’së dhe Sami Lushtaku i PDK’së flasin në Pressing për shumëçka që lidhet me luftën, pasluftën dhe politikën dhe ballafaqojnë argumentët e tyre mbi cështjet për të cilat mbajnë pozicione të kundërta.

Prej kur e njohin ata njëri-tjetrin dhe kur u njohën me Hashim Thaçin dhe Kadri Veselin?

Cilat janë, sipas tyre, të vërtetat mbi miqësitë me Adem Jasharin? A kanë pasur raporte Thaçi e Rexhep Selimi me komandantin e UÇK’së.

Ata flasin edhe për komunikatën e famshme “59”, ndërsa shpjegojnë shumë raste të dyshimta brenda UÇK’së që kanë ndodhur në Drenicë.

Si ndodhën shumë vrasje të zyrtarëve të LDK’së dhe a ka pasur plane për eleminimin e rivalëve politikë pas luftës?

Si u vra mësuesi Haki Imeri?

Si ndodhën vrasjet e uzurpimet e pronave menjëherë pas luftes?

Për këto dhe shumë të tjera Sami Lushtaku dhe Gani Geci flasin sonte për herë të parë në Pressing prej orës 20:30.

Shpërndaje këtë lajm në: