Lajm i vitit, KOSOVA PO BËHET ME USHTRI
Deputetët e Kuvendit të Kosovës kanë votuar pro projektligjit për Forcën e Sigurisë së Kosovës. Ky është projektligji i dytë nga tri sa janë për transformimin e FSK’së në ushtri.
Është votuar projektligji i dytë për transformimin e Forcave të Sigurisë në ushtri.
Në sallë ishin 100 deputetë, ndërsa pro votuan 98.
Ky ligj përcakton kompetencat, organizimin dhefunksionimin e FSK-së , si forcë multietnike, profesionale, e armatosur dhe e autorizuar për të shërbyer në vend dhe jashtë vendit, në pajtim me mandatin e dhënë kushtetues dhe ligjor në mbrojtje të integritetit territorial, qytetarëve, pronës dhe interesave e Republikës së Kosovës, dhe e cila i nënshtrohet kontrollit civil demokratik.
Deputetët kanë votuar edhe projektligjimin për transformimin e Minisrisë së FSK’së në ministri të Mbrojtjes.
