Musliu: S’ndihem i ofenduar nga Lladrovci, s’jam rrenës
Imami nga Drenasi, Osman Musliu, ka folur përsëri për përplasjet e tij me kryetarin e Drenasit, Ramiz Lladrovci.
Musliu ka thënë në emisionin “DPT Te Fidani”, në televizionin T7, se “Lladrovci s’po sillet si kryetar komune”.
Sipas hoxhës nga Drenasi, Lladrovci i ka sjelljet e pahijshme, dhe ofendon njerëzit publikisht.
“S’jam kundër Lladrovcit si person”, ka deklaruar Musliu, teksa ka shtuar se i pengojnë sjelljet e kreut të Drenasit.
I pyetur se çfarë komenti ka për deklaratën e Lladrovcit, se Musliu është rrenës, hoxha është përgjigjur: “Nuk ndihem i ofenduar nga Lladrovci”.
Ai ka thënë se s’është rrenës, dhe se këtë e di i tërë Drenasi, e tërë Drencia, dhe e tërë Kosova. /Express/
