Posta e Kosovës kap sinjale telefonike të njërit nga policët e zhdukur në Lepenc?
Njësia për kërkim shpëtim e Forcës së Sigurisë së Kosovës kanë filluar kërkimet në terenin malor për të kërkuar telefonin e njërit prej policëve të zhdukur nga aksidenti i së shtunës. Thuhet se janë kaput disa sinjale telefonike që nk dihet nga vijnë.
Ekipet e kërkim-shpëtimit të FSK-së, bashkë me njësite të Policisë së Kosovës e të zjarrfikësve, kanë rinisur punën në operacionin për gjetjen e dy policëve të zhdukur pas aksidentit të së shtunës mbrëma në magjistralen Kaçanik-Hani i Elezit.
Në kërkim të tyre janë vënë edhe zhytës vullnetarë, banorë të zonës si dhe policia e Maqedonisë.
Njësitet e shpëtimit të FSK-së sot janë angazhuar në pjesën malore, vendin ku ka ndodhur aksidenti. Po dyshohet se në këtë pjesë mund të jetë telefoni i njërit nga policët, raporton KTV.
Malësor Dashi dhe Armend Trena, të dytë policë të stacionit të Kaçanikut, dyshohet se me veturën e tyre zyrtare, derisa po udhëtonin nga Hani i Elezit në Kaçanik, kanë rënë në lumin Lepenc.
Që nga ai moment i së shtunës mbrëma nuk është gjetur asnjë shenjë e dy policëve, përveç veturës e cila është nxjerr nga uji natën e aksidentit.
