Mbushen gropat në rrugën Drenas-Komoran (Foto)
Kompania e kontraktuar nga Komuna e Drenasit, respektivisht nga Drejtoria e Shërbimeve Publike dhe Emergjencës, për mirëmbajtjen e rrugëve në këtë komunë, me përmirësimin e kushteve atmosferike ka dalë në terren duke i “harrnuar” ato pjesë të rrugëve të dëmtuara.
Njëra ndër rrugët e rregulluara për qarkullim të automjeteve është edhe ajo nga Drenasi në drejtim të Komoranit, transmeton DrenicaOnline.
Të gjitha gropat e hapura gjatë sezonës së dimrit sot janë parë të mbushura me asfalt.
Ditë më parë “Vizioni për Drenasit” mori një aksion simbolik duke mbjellë lule në gropat e hapura në rrugë si shenjë proteste për mos rregullimin e tyre./DrenicaOnline/
