Xhon Gubetini i PDK-së kandidati më i votuar në Vushtrri nga të gjitha subjektet politike – pas bartësve të listave
Sipas rezultateve të fundit të publikuara nga Komisioni Qendror i Zgjedhjeve (KQZ), me të dhënat e futura nga qendra komunale e numërimit në Vushtrri, kur janë numëruar 68 për qind e vendvotimeve, kandidati i Partisë Demokratike të Kosovës (PDK), Xhon Gubetini (me numër 28 në listë), është renditur si kandidati më i votuar nga të gjitha subjektet politike në garën për asamblenë komunale, përjashtuar bartësit e listave.
Gubetini deri tani ka arritur të grumbullojë 711 vota, duke lënë pas shumë emra të njohur nga të gjitha partitë, përfshirë edhe disa figura të vjetra të politikës komunale.
