Policia konfiskon 4 armë në Skenderaj, të dyshuarit kishin mosmarrëveshje pronësore
Në orët e pasdites të ditës së sotme, policia në Skenderaj ka pranuar njoftimin për një rast të kanosjes, që kishte rezultuar pas një mosmarrëveshje pronësore të mëhershme mes dy personave.
Gjithashtu policia kishte ardhë deri te informacioni se njëri prej personave dyshohej se posedonte armë.
Pasi kanë marrë autorizimin nga prokurori, hetuesit policorë kanë kryer kontrolle në dy lokacione në zonën e Skenderajt, ku kanë gjetur tri armë tytë-gjata.
Poashtu njësia e hetimeve kanë arritur të sigurojnë një video-incizim në të cilin ishte parë duke shtënë me armë personi tjetër i përfshirë në mosmarrëveshje.
Njësitë policore kanë kryer kontrolle edhe në dy lokacione tjera dhe kanë arritur të gjejnë një revole me gaz.
Pra, gjatë këtyre kontrolleve janë konfiskuar dhe do të procedohen si prova materiale:
– Armë automatike AK-47 me dy karikator dhe 60 fishekë.
– Pushkë gjuetie dy-tytshe me 18 fishekë
– Pushkë ajrore
– Armë me gaz e llojit psitoletë
Personat e dyshuar janë intervistuar dhe ndaj tyre janë iniciuar rastet për veprat penale: Kanosje, Armëmbajtje pa leje dhe Përdorim i armës apo mjetit të rrezikshëm.
Me aktvendim të prokurorit, ndaj të dyshuarve është caktuar masa e ndalimit policor prej 48 orësh.
