“Në Drenas përkrahet kandidati i PDK-së me sy mbyllur– Pse mos me ardhë një kandidat i ri?”, Abelard Tahiri për Ramiz Lladrovcin
Deputeti i PDK’së, Abelard Tahiri ka folur për moskandidimin e Ramiz Lladrovcit nga PDK’ja për kryetar të Drenasit.
Tahiri në emisionin Pressing në T7 tha se në Drenas, kandidati i PDK’së përkrahet me sy mbyllur.
“Ramiz Lladrovci për tri palë zgjedhje radhazi ka qenë kryetr i kësaj komune nën mbështetjen e PDK’së. Në Drenas, PDK dallon me Ferizaj. Vota e PDK’së këtu shkon diku rreth 38 për qind pa e pa fare kush është kandidati për kandidatin e PDK. Është një elektorat shumë besnik ndaj PDK. Ky elektorat nuk bon me u abuzu. Lladrovci ka qenë deputet i PDK’së, ka qenë i nominuar nga Thaçi për ambasador në Shqipëri, pastaj ka qenë kryetar për 10 vite i Drenasit nga PDK, në një vend ku elektorati e voton veq pse është nga PDK. Nuk mendoj që duhet me abuzu me besimin e qytetarëve”, tha ai.
