Shukri Buja merr mbështetje të madhe nga shtabi zgjedhor
Kandidati i PDK-së për kryetar të Komunës së Lipjanit, Shukri Buja, ka zhvilluar një takim me shtabin e degës së PDK-së në Lipjan, ku është dëshmuar entuziazmi i madh i strukturave dhe aktivistëve për fitoren e pritshme në zgjedhjet e ardhshme.
Gjatë takimit, është theksuar gatishmëria e secilit anëtar për t’u angazhuar maksimalisht në terren, me qëllim që projekti politik i PDK-së të marrë mbështetjen e qytetarëve lipjanas. Atmosfera e krijuar në këtë tubim ka reflektuar besimin dhe bindjen se PDK me Shukri Bujën në krye do të rikthehet në drejtimin e komunës.
“Entuziazmi dhe mobilizimi i sotëm dëshmon se Lipjani është gati për ndryshim dhe për fitore,” është shprehur Buja, duke falënderuar të gjithë aktivistët për përkushtimin e tyre.
Strukturat e degës së PDK-së në Lipjan kanë konfirmuar se do të vazhdojnë me ritëm të lartë aktivitetet në gjithë territorin e komunës, duke takuar qytetarët dhe duke prezantuar programin për një qeverisje të përgjegjshme, transparente dhe zhvillimore.
Beteja elektorale, sipas tyre, tashmë ka nisur me shenja të qarta suksesi.
