Aksident trafiku në Lipjan, humb jetën ngasësi i motoçikletës
Një person ka humbur jetën sot në një aksident trafiku në Sllovi të Lipjanit.
Zëdhënësja e policisë për rajonin e Prishtinës, Flora Ahmeti, tha për Express se në aksident është përfshirë një automjet me motoçikletën, për pasojë ngasësi i saj E.B., ka humbur jetën.
Konfirmimi i plotë:
Sot rreth orës 18:00 në fshatin Sllovi të Lipjanit, ka ndodhur një aksident trafiku ku janë përfshirë një automjet dhe një motoçikletë.
Si pasojë e aksidentit në vendin e ngjarjes ka humbur jetën ngasësi i motoçikletës.
Vdekjen e viktimës mashkull, E.B, e ka konstatuar ekipi mjekësor në vendngjarje.
Me rastin po merret njësiti i trafikut rajonal.
