Zjarrfikësit e Drenasit mbajnë ligjërata edukative për nxënësit në Çikatovë të Re dhe Llapushnik
Në kuadër të aktiviteteve për ngritjen e vetëdijes dhe edukimin e brezave të rinj për sigurinë nga zjarret, ekipi i zjarrfikësve të Drenasit ka mbajtur ligjërata informuese në shkollat fillore “Ali Gashi” në Çikatovë të Re dhe “Hasan Prishtina” në Llapushnik.
Gjatë ligjëratave, nxënësit u njohën me metodat bazë për parandalimin e zjarreve, masat që duhen ndërmarrë në raste emergjente si dhe rëndësinë e bashkëpunimit me shërbimet e zjarrfikësve.
Qëllimi i këtyre aktiviteteve është ndërtimi i një kulture të sigurisë që nga mosha e hershme dhe forcimi i bashkëpunimit ndërinstitucional në shërbim të komunitetit.
Zjarrfikësit kanë falënderuar stafin e shkollave për mikpritjen dhe përkushtimin ndaj edukimit të nxënësve për çështje të rëndësishme të sigurisë.
