Vdes një person pas vetëaksidentit të shkaktuar në Llozicë të Malishevës
Një vetëaksident i rëndë trafiku ka ndodh sot rreth orës 13 në Llozicë të Malishevës.
Për pasojë një person ka humbur jetën. Lajmin për Gazetën Sinjali ka konfirmuar e Policia e Gjakovës.
“Rreth orës 12:55 jemi njoftuar për aksident trafiku në fshatin Llozicë, Malishevë, në rrugën Prishtinë-Pejë”.
“Policia ka dalë në vendin e ngjarjes ku dyshohet se drejtuesi i një automjeti ka humbur kontrollin dhe është vet-aksidentuar”.
“Si pasojë, ngasësi, një mashkull i moshës madhore, ka humbur jetën, ndërsa vdekja e tij është konstatuar nga ekipi mjekësor. Me vendim të prokurorit të shtetit trupi i pajetë i viktimës dërgohet në IML”, thuhet në njoftimin e Policisë.
