Shahin Dervishaj: PDK demonstron forcën në Mitrovicë – Endrit Thaçi dhe Klestor Veseli në mesin e mbështetësve
Mitrovica u bë epiqendra e një tubimi madhështor të Partisë Demokratike të Kosovës (PDK), ku mijëra qytetarë u mblodhën për të shprehur mbështetjen e tyre.
Atmosfera u elektrizua me praninë e djalit të ish-presidentit Hashim Thaçi, Endrit Thaçit, dhe djalit të ish-kreut të PDK-së, Kadri Veselit, Klestor Veselit.
Kandidati për deputet, Shahin Dervishaj, u shpreh se kjo përkrahje e jashtëzakonshme është një tregues i qartë se qytetarët besojnë në vizionin e PDK-së për të ardhmen e Kosovës.
“Kjo është forca e PDK-së! Ky tubim na dha energjinë për të vazhduar përpara, gjithmonë duke kujtuar sakrificat dhe përpjekjet për një të ardhme më të mirë”, tha Dervishaj.
Me këtë mobilizim të fuqishëm, PDK synon të dëshmojë se është e gatshme për fitore në zgjedhjet e ardhshme.
