Fadil Demaku në Drenas: “Do të jem zë i fuqishëm në mbrojtje të vlerave të UÇK-së”
Kandidati për deputet nga Partia Demokratike e Kosovës (PDK), Fadil Demaku, ka vizituar Shoqatat e Dalura nga Lufta në Drenas, ku është takuar me bashkëluftëtarët e tij dhe ka diskutuar mbi sfidat dhe shqetësimet që ata përballen.
“Sot, në Shoqatat e Dalura nga Lufta, dega në Drenas, pata nderin të jem në mesin e bashkëluftëtarëve të mi, ku ndamë momente të veçanta dhe diskutuam mbi vështirësitë dhe shqetësimet e tyre,” ka deklaruar Demaku.
Ai është shprehur mirënjohës për mbështetjen e tyre dhe ka premtuar se do të jetë një zë i fuqishëm në mbrojtje të vlerave të luftës së UÇK-së.
“Bashkë, do të vazhdojmë të punojmë për të garantuar një të ardhme më të mirë për të gjithë ata që sakrifikuan për vendin tonë,” ka theksuar ai.
PDK ka theksuar përkushtimin e saj për përmirësimin e kushteve për veteranët dhe familjet e dëshmorëve, duke e vendosur këtë çështje si prioritet të programit të saj.
#PDK #FadilDemaku #BedriHamza