Besim Mulaj: “Familja Rugova mbështet rrugëtimin tim politik”

Kandidati për deputet nga LDK, Dr. Sci. Besim Mulaj, ka vizituar familjen e Presidentit historik, Ibrahim Rugova, pas tubimit madhështor të mbajtur në Prishtinë.

“Pata kënaqësinë dhe privilegjin të vizitoj familjen Rugova, ku u mirëprita me shumë dashamirësi nga Uke Rugova dhe anëtarët e familjes. Ishte një moment reflektimi dhe mirënjohjeje për trashëgiminë e tij të jashtëzakonshme dhe ndikimin e filozofisë rugoviane në ndërtimin e një Kosove të pavarur dhe paqësore,” ka shkruar Mulaj.

Ai ka theksuar se filozofia rugoviane është një udhërrëfyes për të ardhmen, duke shprehur përkushtimin e tij për ta vazhduar këtë vizion politik me besim dhe vendosmëri.