VIDEO | Granit Xhaka në mbështetje të Bedri Hamzës: Në të ardhmen shpresoj me u ba ma mirë për Kosovën
Kandidati i PDK-së për Kryeministër, Bedri Hamza, ka pasur një takim të veçantë me yllin e futbollit, Granit Xhakën, i cili ka thënë se me disiplinë, angazhim e vullnet, çdo ditë mundohet të bëhet ma i mirë, si lojtar, si njeri, që të jetë shembull për rininë.
“Ju e dini vetë se na për Kosovën gjithçka bëjmë, mundohemi me kanë për Kosovën, me ba sende të mira, me ni sende pozitive, edhe shpresoj në të ardhmen për Kosovën me u ba edhe ma mirë”, dëgjohet duke thënë Xhaka në videon e postuar nga Hamza.
Në anën tjetër, Hamza ka thënë se do të punojë që çdo i ri të mund ta realizojë potencialin e tij edhe në Kosovë.
“Një takim i veçantë me Granit Xhakën
Punëtor, modest dhe kampion. Shembull i shkëlqyer i asaj që të rinjtë tanë mund të arrijnë në arenën ndërkombëtare, nëse kanë mbështetjen e duhur.
Unë do të punoj që çdo i ri të mund ta realizojë potencialin e tij edhe në Kosovë.
#MaMirë”, ka shkruar Hamza.
