Ragip Xhaka- PDK: Mërgata, shtyllë e fuqishme për të ardhmen e Kosovës
Kandidati për deputet i Partisë Demokratike të Kosovës (PDK) nga diaspora, Ragip Xhaka, mori pjesë sot në tubimin madhështor të organizuar në Hannover, Gjermani, transmeton DrenicaOnline.
Xhaka vlerësoi lart entuziazmin dhe unitetin e mërgatës.
“Hannoveri u bë dëshmitar i një tubimi madhështor, ku mërgata tregoi edhe një herë fuqinë dhe unitetin e saj për një të ardhme më të mirë për Kosovën. Mbështetja e palëkundur për Kryeministrin e ardhshëm, z. Bedri Hamza, po reflekton dëshirën dhe vendosmërinë tonë për ndryshime pozitive”, ka thënë Xhaka.
Ai shtoi se angazhimi i diasporës është një dëshmi e zërit të fuqishëm që Kosova po merr nga çdo cep i botës.
“Kjo është dëshmi e lidhjes së pathyeshme me vendin tonë dhe angazhimit për një Kosovë që ofron më shumë për qytetarët e saj”, ka thënë ai.
Tubimi në Hannover ishte një tjetër moment i rëndësishëm që tregoi mbështetjen e fuqishme të mërgatës për PDK-në dhe vizionin e saj për një Kosovë më të mirë./DrenicaOnline/
