Esat Shala: Fatmir Bardhoci do të realizojë film për jetën time
Arkivuesi i njohur Esat Shala ka bërë të ditur se aktori i famshëm i Hollivudit, Fatmir Bardhoci, do të realizojë një film artistik për jetën dhe veprimtarinë e tij të jashtëzakonshme.
Shala, i cili që në moshën 12-vjeçare nisi të dokumentonte luftën e Kosovës, vlerësohet si një shembull unik në historinë moderne. Ai shprehet se kjo është hera e parë që pas Luftës së Dytë Botërore një fëmijë ka arkivuar një luftë të tërë, duke dokumentuar gjenocidin dhe vuajtjet e popullit të tij.
“Ky film do të pasqyrojë historinë time, të një fëmije që arriti të ruajë kujtesën e një lufte që ndryshoi Kosovën dhe jetën e mijëra njerëzve,” deklaroi Shala.
Filmi pritet të sjellë një perspektivë të veçantë mbi luftën dhe rolin e të rinjve në mbrojtjen e të vërtetës historike. Fatmir Bardhoci, i njohur për talentin dhe ndjeshmërinë në projektet e tij artistike, do të jetë figura kyçe për ta sjellë këtë histori në ekranin e madh.
Ky projekt pritet të tërheqë vëmendjen ndërkombëtare, duke promovuar edhe më tej rrëfimet nga lufta e Kosovës dhe rolin unik të Esat Shalës si arkivues.
