Aksident trafiku në hyrje të Fushë Kosovës, rrugët e bllokuara
Një aksident trafiku ka ndodhur sot pasdite në autostradë, në hyrje të Fushë Kosovës, duke shkaktuar ndërprerje të qarkullimit dhe krijuar bllokim në rrugë, transmeton DrenicaOnline.
Si pasojë e përplasjes, automjetet janë ndalur në mes të rrugës, duke vështirësuar lëvizjen e automjeteve të tjera.
Në vendngjarje janë të pranishme ekipet e ambulancës dhe Policia e Kosovës, të cilët po punojnë për t’u siguruar që të gjithë të lënduarit të marrin kujdesin e nevojshëm dhe për të rivendosur qarkullimin normal sa më shpejt.
Deri tani nuk ka informacione të hollësishme mbi gjendjen e personave të përfshirë në aksident, ndërsa autoritetet po hetojnë shkaqet e incidentit./DrenicaOnline/
