Negroci po bëhet me xhami (Foto)
Në fshatin Negroc të Drenasit po ndërtohet një xhami e madhe.
Ndërtimi i objektit ka përparuar me ritëm të lartë dhe punimet e vrazhda po shkojnë drejt përfundimit, transmeton portali DrenicaOnline.
Sipas informacioneve, ndërtimi i minares do të nisë së shpejti, duke i dhënë xhamisë formën e saj të plotë dhe karakteristike.
Deri tani, banorët e Negrocit frekuentonin xhaminë e Arllatit për falje dhe rituale fetare, por me përfundimin e këtij objekti të ri, ata do të kenë xhaminë e tyre në fshat.
Ende nuk dihet kush është donatori i projektit, por përkushtimi për ta përfunduar këtë xhami ka qenë i dukshëm./DrenicaOnline/
