Publikohet video ekskluzive e Kadri Veselit gjatë luftës, ishte i rrethuar nga forcat serbe
Një video e rrallë nga koha e luftës në Kosovë, e realizuar në vitin 1998, është publikuar sot nga Esat Shala, transmeton portali DrenicaOnline.
Në video shihet ish-komandanti i UÇK-së, Kadri Veseli, duke folur për një rrethim nga forcat serbe. Pamjet tregojnë momente të tensionuara nga fronti i luftës, ku Veseli dhe bashkëluftëtarët e tij përballen me sulmet serbe.
Në deklaratën e tij në video, Veseli tregon për situatën kritike me të cilën përballeshin forcat e UÇK-së, duke theksuar rrethimin nga forcat serbe dhe sfidat që kishin për të mbrojtur territorin.
Ky publikim ka tërhequr vëmendje të madhe, duke ardhur në një moment delikat për Veselin, i cili aktualisht ndodhet në Hagë së bashku me disa bashkëluftëtarë të tjerë. Ata po përballen me akuza për krime lufte në Gjykatën Speciale.
Rikujtojmë se Veseli, njëri nga liderët kryesorë të UÇK-së, ka luajtur një rol të rëndësishëm gjatë luftës në Kosovë dhe pas saj. Procesi gjyqësor në Hagë ka ngritur diskutime të shumta në Kosovë, ndërsa mbështetësit e tij vazhdojnë të kërkojnë drejtësi dhe të kundërshtojnë akuzat.
Kliko mbi foto për të parë videon:
