E dhimbshme: Humb jetën në QKUK i riu që u lëndua rëndë në aksident trafiku
Pas 10 ditësh trajtim në QKUK, ka humbur jetën njëri nga tre të lënduarit në aksidentin e rëndë në fshatin Celinë në Rahovec.
23-vjeçari Arbër Shala, nuk arriti t’iu bëjë ballë plagëve dhe vdiq sot.
Lajmin e ka dhënë faqja Krusha e Madhe:
Në aksidentin që ndodhi më 22 gusht, pas një jave në intenziv.
Sot më 1 shtator 2024 pushoj së rrahuri zemra e të riut nga Krushë e Madhe, Arbër Enver Shala.
Ngushllime Enverit e familjes Shala.
Zoti i’u dhasht forcen me përballu dhembjen.
Rreth varrimit do ju njoftojm prape te faqja Krushë e Madhe.
Nga ky aksident lëndime të rënda kishin marr dy personat që gjendeshin në veturë dhe shoferi i kamionit.
Ata pas lëndimit u transferuan me autoambulancë për në QKUK për trajtim – njëri nga tre të lënduarit u nda nga jeta sot.
Pasi është konfirmuar vdekja e tij, me urdhër të Prokurorit të Shtetit trupi i pajetë është dërguar në IML për obduksion.
Lidhur me rastin është njoftuar edhe Policia e Kosovës dhe janë ndërmarrë veprimet e nevojshme./Sinjali/
