I sulmoi pesë persona, arrestohet i ‘forti’ i Drenasit
Tre meshkuj dhe dy femra janë sulmuar fizikisht nga një person në qendër të Drenasit, transmeton IndeksOnline.
Rasti ka ndodhur të dielën rreth orës 21:00, ku me të pranuar informatën policia ka dalë menjëherë në vendin e ngjarjes.
Viktimat kanë pranuar tretman mjekësor përderisa personi i dyshuar është arrestuar dhe i njëjti me vendim të prokurorit është dërguar në qendrën e mbajtjes deri në një vendim të ri të organeve të drejtësisë.
Për rastin është deklaruar edhe Policia e Kosovës e cila thotë se e gjithë ngjarja ndodhi pas një mosmarrëveshje mes të dyshuarit dhe viktimave.
“Të dielën, në Drenas rreth orës 21:00 është arrestuar i dyshuari mashkull kosovar pasi që i njëjti pas një mosmarrëveshje kishte sulmuar fizikisht pesë viktimat, tre meshkuj kosovarë dhe dy femra kosovare. Viktimat kanë pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e policisë.
Me rastin është duke u marrë njësiti I hetimeve në kuadër të stacionit në Drenas./IndeksOnline/
