Presidentja Osmani ka përkujtuar Fehmi e Xhevë Lladrovcin, në 25 vjetorin e rënies

Presidentja e Republikës së Kosovës, Vjosa Osmani, ka përkujtuar Fehmi e Xhevë Lladrovcin, në 25 vjetorin e rënies.

“25 vjet më parë Fehmi e Xhevë Lladrovci, e përmbyllën bashkërisht rrugëtimin e tyre jetësor e patriotik”.

“Përkushtimi i tyre i palëkundur për lirinë i bëri që ata të jenë stoikë, të guximshëm e këmbëngulës. Si të tillë u përjetësuan, duke u bërë personifikim i vetmohimit për lirinë e vendit”, shkruan Osmani.

Ajo thotë se Xheva dhe Fehmiu u përballën me vendosmëri të palëkundur për idealin e brezave, ëndrrën për liri e shtet.

“Ata na kujtojnë përherë rrugën e zorshme deri te liria dhe përkushtimin që duhet pasur për ta mirëmbajtur lirinë dhe për ta forcuar edhe më tej Republikën për të cilën ranë. Kujtimi për ta qoftë i përhershëm”.