Vajza e heroit Ilaz Kodra diplomon në master me notën 10, suksesin ia dedikon babait të saj
Krenare Kodra, vajza e heroit Ilaz Kodra ka diplomuar në master në drejtimin “E Drejta Financiare”, në Fakultetin Juridik – Universiteti i Prishtinës “Hasan Prishtina”. Studimet ajo i përfundoi me notën 10-të.
Këtë sukses, ajo thotë se ia dedikon babait të saj.
Postimi i plotë:
Dje, me datë 15 qershor 2023, arrita të vlerësohem maksimalisht për mbrojtjen e temës së diplomës “Politika Fiskale dhe Rritja Gjithëpërfshirëse”, e rrjedhimisht mora titullin LL.M për drejtimin E Drejta Financiare, nga Fakulteti Juridik – Universiteti i Prishtinës “Hasan Prishtina”.
Jam e lumtur që nivelin Master të studimeve e përfundova me shumë sukses, me notë mesatare 10,0, për çka falënderoj Zotin për vullnetin që më dha.
Gjithashtu falënderoj familjarët, veçanërisht mamin, për mbështetjen dhe kurajon që më dhanë për të realizuar synimin tim.
Ky sukses i dedikohet krenarisë time më të madhe, Babit!
