Shfaqje teatrale në Drenas nga të rinjtë e qytetit
Në Shtëpinë e Kulturës në Drenas është prezantuar shfaqja forum teatër “Hamlet / High – m’Le T / Hi! – m’le të…” nga Klubi Teatror i këtij qyteti, i themeluar nga Artpolis.
Shfaqja flet për zinxhirin e problemeve në shoqëri, duke filluar me dhunën fizike e psiqike, si hallka të para. Duke mos e gjetur dashurinë dhe mbështetjen aty ku më së shumti i duhet, Gëzimi kërkon ngushëllim në gjëra të tjera. Pikërisht këtu fillon një cikël i ri i dhunës dhe ndëshkimit ndaj vetes. Por, cili është reagimi shoqëror ndaj kësaj gjendje?!
Në këtë shfaqje luajtën të rinjtë dhe të rejat e Drenasit: Getuar Krasniqi, Amrush Istogu, Eduarda Kukaj, Aurela Hajdari, Gerti Karaqica, Edonis Fana, Vesa Buzaku, Andi Dervishi, Verora Gashi, Argjend Karaqica, dhe Enes Desku.
Këta të rinj/reja kanë punuar për më shumë se dy muaj me Trupën Artistike Rezidente të Artpolis: Donikë Ahmeti, Zhaneta Xhemajli dhe Robert Nuha.
Ky aktivitet zhvillohet nga Artpolis me mbështetje të cfd, Fondacionit Joseph Handleman “I Believe in You”, dhe Komunës së Drenasit.
