Abbott dhe Haxhiu vizitojnë Qendrën për Promovimin e të Drejtave të Grave në Drenas

Ministrja e Drejtësisë, Albulena Haxhiu, shoqëruar nga Ambasadori i Britanisë së Madhe, Nicholas Abbott, sot kanë vizituar Qendrën për Promovimin e të Drejtave të Grave në Drenas, që udhëhiqet nga Kadire Tahiraj.

Me këtë rast, ministrja Haxhiu vlerësoi lartë angazhimin e kësaj Qendre në avokim për realizim të të drejtave të grave dhe lobim për barazi gjinore dhe fuqizim të gruas në vendimmarrje.

Ambasadori Abbott, respektivisht Ambasada e Britanisë së Madhe kanë shprehur vazhdimisht mbështetjen e plotë ndaj institucioneve, edhe në këtë drejtim.