Vetura e rrokullisur te ‘Kroni i Mbretit’, kolona të gjata deri në Komoran
Një veturë është rrokullisur mëngjesin e sotëm në rrugën Pejë–Prishtinë, në segmentin te Kroni i Mbretit në Drenas, shkruan DrenicaOnline.
Policia ka dalë menjëherë në vendin e aksidentit dhe po merret me rastin, ndërsa në vendin e ngjarjes është parë edhe një autoambulancë.
Si pasojë e aksidentit, janë krijuar kolona të gjata automjetesh, të cilat sipas qytetarëve shtrihen deri në Komoran.
Ende nuk ka informacione zyrtare për persona të lënduar apo për shkaqet e aksidentit.
DrenicaOnline do t’ju mbajë të informuar me zhvillimet e fundit.
