Kryetari i PDK-së në Drenas, Petrit Hajdari: “Më 17 shkurt marshojmë për drejtësi, jo politikë”

Kryetari i degës së Partia Demokratike e Kosovës (PDK) në Drenas, Petrit Hajdari, ka bërë të ditur se janë mbledhur për t’u organizuar për një marshim që do të mbahet më 17 shkurt në Prishtinë, në Ditën e Pavarësisë së Kosovës.

Sipas tij, qytetarët pritet të mblidhen në ora 14:00 në sheshin “Sheshi Skënderbeu”, ku, siç u shpreh, “zëri i qytetarëve të Kosovës do të bashkohet për të kërkuar të vërtetën, dinjitetin dhe drejtësinë”.

“Marshojmë për të vërtetën, për dinjitetin – DREJTËSI, JO POLITIKË. Çlirimtarët tanë nuk e kanë vendin në Hagë. Ata luftuan për lirinë, jo për t’u gjykuar padrejtësisht,” thuhet në mesazhin e tij publik.

Ai ka ftuar qytetarët që t’i bashkohen këtij organizimi, duke theksuar se çdo zë ka peshë dhe se, sipas tij, “liria ka emër”.

Organizatorët pritet të japin detaje shtesë rreth marshimit në ditët në vijim.