Sami Lushtaku mbledh drejtorët, ja për çfarë u bisedua

Është mbajtur sot takimi i Bordit të Drejtorëve, i udhëhequr nga Kryetari i Komunës së Skenderajt, Sami Lushtaku, me pjesëmarrjen e nënkryetarit Fadil Nura dhe drejtorëve të drejtorive komunale, në të cilin u diskutua në mënyrë të detajuar për punët dhe projektet e përgjithshme që janë në realizim dhe ato të planifikuara për periudhën në vijim.

Gjatë takimit u bë një pasqyrë e gjendjes aktuale në secilën drejtori, u analizuan sfidat dhe u theksua rëndësia e bashkëpunimit ndërinstitucional për përmbushjen e obligimeve dhe zbatimin efikas të projekteve.

Po ashtu, u ritheksua angazhimi i përbashkët i të gjithë akterëve për ofrimin e shërbimeve cilësore dhe për realizimin e projekteve që kanë ndikim të drejtpërdrejtë në përmirësimin e jetës së qytetarëve.