Ganimete Musliu viziton kompaninë Flexograf në Gjilan
Kandidatja për deputete nga Partia Demokratike e Kosovës, Ganimete Musliu, ka vizituar sot kompaninë Flexograf në Gjilan, ku u njoh nga afër me punën dhe zhvillimin e kësaj ndërmarrjeje vendore.
Musliu u shpreh e befasuar pozitivisht nga energjia, serioziteti dhe përkushtimi që gjeti në këtë kompani, e cila është hapur në vitin 2021 dhe sot punëson rreth 90 punëtorë. Ajo theksoi se ky është dëshmi e qartë se me vullnet të mirë dhe punë të ndershme arrihen rezultate mbresëlënëse.
Sipas saj, nën drejtimin e Samet Mustafa, Flexograf është shndërruar në shembull të besimit në fuqinë e njerëzve tanë dhe në një Kosovë që është ëndërruar nga breza të tërë.
“Biznese të tilla janë forca e ekonomisë sonë”, theksoi Musliu.
#PDK130
#BedriHamza1
#GanimeteMusliu12
