Pas “ndarjes” me AAK-në, Nisma hyn e vetme në garën e 28 dhjetorit
Nisma Socialdemokrate ka vendosur të garojë si parti e vetme në zgjedhjet e 28 dhjetorit.
Partia e Fatmir Limajt ka dorëzuar aplikimin në Komisionin Qendror të Zgjedhjeve për t’u regjistruar si subjekt i pavarur dhe jo si pjesë e ndonjë koalicioni.
Në zgjedhjet e 9 shkurtit, Nisma garoi në koalicion me Aleancën për Ardhmërinë e Kosovës, e cila gjithashtu ka vendosur të garojë e vetme në këto zgjedhje.
23 subjekte politike, prej të cilave tri koalicione, 17 parti politike, dy iniciativa qytetare dhe një kandidat i pavarur, në mesin e tyre edhe Nisma Socialdemokrate, kanë plotësuar online deri në orën 23:30 formularin e certifikimit për pjesëmarrje në zgjedhjet e 28 dhjetorit, ka bërë të ditur zëdhënësi i KQZ-së Valmir Elezi.
Në orën 23:59 përfundojnë afatet e periudhave të ndryshme për subjektet politike lidhur me zgjedhjet e parakohshme.
Subjektet politike aplikuese
Koalicionet:
1. Koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”;
2. Koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV);
3. Koalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).
Partitë politike:
LIDHJA DEMOKRATIKE E KOSOVËS – LDK;
PARTIA DEMOKRATIKE E KOSOVËS – PDK
Kosovaki Nevi Romani Partia
JEDINSTVENA GORANSKA PARTIJA
Za Slobodu Pravdu i Opstanak
KOSOVA DEMOKRATIK TÜRK PARTISI
PARTIA LIBERALE EGJIPTIANE
PARTIA ROME E BASHKUAR E KOSOVËS
SOCIALDEMOKRATSKA UNIJA – SDU
LISTA SERBE
INICIATIVA E RE DEMOKRATIKE E KOSOVËS
FJALA
NOVA DEMOKRATSKA STRANKA – NDS
LËVIZJA PËRPARIMTARE E ROMËVE TË KOSOVËS (LPRK)
ALEANCA PËR ARDHMËRINË E KOSOVËS (AAK)
KOSOVSKI SAVEZ
NISMA SOCIALDEMOKRATE
Iniciativat qytetare
PËR SOCIALDEMOKRATËT E ASHKALINJËVE
INICIATIVA QYTETARE PËR KOSOVË
Kandidatët e pavarur
NEDŹMIDIN SEJDILAR
Deri më 7 dhjetor 2025, subjektet politike (partitë politike, koalicionet, nismat qytetareve dhe kandidatët e pavarur) që aplikojnë për certifikim, duhet të dorëzojnë përmes platformës listën e tyre me emrat e kandidatëve për deputetë të zgjedhjeve të parakohshme për Kuvendin e Kosovës.
