Kjo është gjendja e ushtarit të FSK-së që dyshohet se u plagos në Prishtinë
Një person është plagosur në Sharban të Prishtinës, të dielën rreth orës 14:30.
Sië raportohet i plagosuri është pjesë e FKS-së.
Për gjendjen e tij ka folur Naser Syla, drejtor i Emergjencës në QKUK.
“Gjendja e tij është stabile”. “Ai ka vazhduar për tretman të mëtutjeshëm në Klinikën e Ortopedisë”, ka thënë Syla.
Për rastin ka folur edhe Enis Pllana, zëdhënës i Policisë së Kosovës për Prishtinën.
“Sot rreth orës 14:30, Policia ka pranuar informatën për plagosje me armë zjarri në fshatin Sharban në Prishtinë. Menjëherë në vendin e ngjarjes kanë dalë njësitet policore”.
“Bazuar në të dhënat fillestare në këtë vend është plagosur një person. I njëjti është dërguar për trajtim mjekësor”, ka thënë ai.
