Zhvarrosja e heronjve të UÇK-së: Dëshmori kishte municione me vete në varr

Gjashtë dëshmorë të Vrellës së Istogut u eks-humuan nga varret ku pushuan mbi dy dekada.

Madje, për zhvarrimin e njërit prej tyre u desh edhe ndihma e FSK-së meqë ishte varrosur me municion.

Mbetjet e tyre mortore u dërguan në morg derisa të vendoset data e rivarrimit në kompleksin memorial.

Krejt ky proces zhvarrimi, që nisi në Vrellë po bëhet që 47 të rënët e komunës së Istogut të prehen në një vend.

Rivarrimi i trimave të Vrellës pritet të bëhet më 20 qershor, ndërsa homazhet do bëhen çdo dymbëdhjetë prill në ditën e dëshmorëve të Istogut.