Policia kërkon ndihmën e qytetarëve për identifikimin e një të dyshuari
Sektori i Hetimeve të Kryeqytetit, me autorizim nga prokuroria kompetente, ka bërë publike një kërkesë për bashkëpunim nga qytetarët, me qëllim të identifikimit të një personi të dyshuar, i cili shihet në një fotografi të publikuar nga autoritetet.
Sipas njoftimit zyrtar, i dyshuari është i përfshirë në veprën penale “lëshim i çeqeve pa mbulesë”.
Policia e Kosovës u bën thirrje të gjithë qytetarëve që kanë ndonjë informacion që mund të ndihmojë në identifikimin e këtij personi, të kontaktojnë në numrin 192 ose të dërgojnë email në info@kosovopolice.com.
Çdo informatë do të trajtohet me konfidencialitet të plotë, thuhet në fund të njoftimit.
